ŞD, 1240-33-2 Ticâret
ve Zirâat Nezâreti Umûmî:
29197 Husûsî:
137
Huzûr-ı
samî-i cenâb-ı Sadâret-penâhî'ye
Ma‘rûz-ı
çâker-i kemîneleridir ki Ordu
Kazâsı'na muzâf Habsamana Nâhiyesi'ne tâbi‘ Akkilise ve
Akkiriş ve Tazavara ve Yeniköy Ahtaya karyelerinde bakır simli
kurşun madenleri taharrisine âid 21 Teşrîn-i Evvel sene [1]327 ve
48/41 numaralı ruhsatnâme hukukundan yüz hisse i‘tibârıyla
Mösyö William Davson'ın mâlik olduğu yüzde otuz üç tâm ve
otuz üç santim hissesini Fransa Devleti teba‘asından Mösyö
Hanry Püske'ye ferâğ edeceğine dâir Trabzon Vilâyeti Meclis-i
İdâresi'nden vârid olan mazbata ve melfûfâtı üzerine Madin
Müdüriyet-i Umûmiyyesi'nden tanzîm kılınan 18 Haziran sene
[1]328 târihli mazbata leffen huzûr-ı sâmî-i cenâb-ı
fahîmâneleri kılınmış olduğundan îfâ-yı muktezâsına
müsâ‘ade-i celîle-i Sadâret-penâhîleri şâyân buyurulmak
bâbında ve her hâlde emr u fermân hazret-i veliyyü'l-emrindir. Fî 22
Receb sene [1]330 ve fî 24 Haziran sene [1]328 Ticâret
ve Zirâat Nâzırı nâmına muâvin [imzâ]