GÖLKÖY TARİHİNE IŞIK TUTAN BELGELER (4)

GÖLKÖY TARİHİNE IŞIK TUTAN BELGELER (4)

DH. İD, 80-12-4

Dahiliye Nezâreti
İdâre-i umûmiyye-i Dahiliye Müdüriyeti
Evrâk umûmî numarası: 116
Kalem numarası: 1187
Târih-i tebyîz: 13 Nisan sene [1]330

Trabzon Vilâyet-i Aliyyesi'ne

Ordu Kazâsı Meclis-i İdare mu‘âmelâtı hakkında mülkiye müfettişi tarafından gönderilen lâyiha-i teftişiye mündericatına nazaran Ordu'ya sekiz saatlik mesafede kâin Sarmaşık karyesinde teferruğ olunacak iki parça arâzînin tahkîk-ı kıymeti için me’mûr edilen tahrîrât katîbi ile mahkeme azâsına Harcırâh Kararnâmesi ahkâmına muhâlif evrâk beşer yüz guruş ücret i‘tâsı ve Habsamana Nâhiyesi'nin Karahasan karyesinden Kûhîoğlu Molla Halil'in mutasarrıf olduğu arâzîsine Bayrakdaroğulları'nın vâki olan müdâhalelerinin idareten men‘i hakkındaki istid‘âsı üzerine evvel-i emirde mahallî hükûmetine mürâcaatle bir karar ittihazından sonra verilecek karara adem-i kanâati hâlinde Meclis-i İdare-i Kazâ'ya mürâcaat eylemesi lüzûmuna ve kız oynatanlarla oynayan kızlardan ve vasıtalık edenlerden bir liradan beş liraya kadar cezâ-i nakdî ahzının usûl ittihazına dâir kararlar verildiği anlaşılmış ve arâzî ihtilâfâtından münba‘is husûsâtın bidâyeten Kazâ Meclis-i İdârelerinde rü’yeti usûl-i mahsûsası îcâbından olduğu gibi ber-vech-i muharrer ahkâm-ı cezâiyye vaz‘ı da meclis-i mezkûr salâhiyeti hâricinde bulunmuş olduğundan Kazâ Meclis-i İdare azâları hakkında mu‘âmele-i intibâhiyye icrâsıyla tekerrüründen ictinâb ve ittihâz edilecek mukarrerâtın ahkâm-ı kânûniyye ve nizâmiyeye tevfîk olunması lüzûmunun ihtar ve teblîği bâbında.

Lâyiha-i teftişiye Hey’et-i Teftişiye Müdüriyeti'ne iade edilmişdir.