GÖLKÖY TARİHİNE IŞIK TUTAN BELGELER (2)

GÖLKÖY TARİHİNE IŞIK TUTAN BELGELER

ŞD, 1240-33-1
Şûrâ-yı Devlet'e mahsûs müsvedde varakası
Numara: Maârif [ve] Maliye [ve] Nafia, 701
Târih-i tebyîz: 9 Zilka‘de sene [1]330-7 Teşrîn-i Evvel sene [1]328

Mazbata

Trabzon Vilâyeti dâhilinde Ordu Kazâsı'na muzâf Habsamana Nâhiyesi'ne tâbi‘ Akkilise ve Akkiriş ve Tazavara ve Yeniköy Ahtaya karyelerinde İngiltere Devleti teba‘asından Mösyö William Davson ve iki nefer şerikinin 17 Teşrîn-i Sânî sene [1]327 târihinde mer‘iyyeti tasdîk kılınmış olan 21 Teşrîn-i Evvel sene [1]327 ve 48/41 numaralı ruhsatnâme ile taharrisine me’zûn oldukları bakır simli kurşun madenleri hukukundan mûmâ-ileyh Mösyö William Davson yüz hisse i‘tibârıyla malik olduğu yüzde otuz üç tam ve otuz üç santim hissesini kâmilen Fransa Devleti teba‘asından Mösyö Hanry Püske'ye ferâğ edeceğine dâir Maden Müdüriyet-i Umûmiyyesi'nden tanzîm kılınan mazbatanın leffiyle istîzânı hâvî Ticâret ve Zirâat Nezâreti'nden Şûrâ-yı Devlet'e havâle buyurulan 24 Haziran sene [1]328 târihli ve 29197/137 numaralı tezkire melfûfuyla Nafia ve Maârif ve Maliye Dâiresi'nde kırâet olundu.
Mu‘âmele-i ferâğiyye hakkında cereyân eden mu‘âmelenin muvâfık-ı usûl ve nizâm bulunduğu bi't-tedkîk anlaşılmış olmağla Maden Nizâmnâmesi'nin yirmi üçüncü maddesi mûcebince mu‘âmele-i mukteziyyenin îfâsı husûsunun nezâret-i müşârun-ileyhâya havâlesi tezekkür kılındı. Ol bâbda.